பாம்பன் வட கடல் பகுதியில் காற்றின் வேகம் அதிகமாக உள்ளதால் வட கடலில் சீற்றம் ஏற்பட்டு உள்ளது. இதனால் ராமேஸ்வரம் மீனவர்கள் கடலுக்கு செல்ல வேண்டாம் என அறிவுறுத்தப்பட்டுள்ளது.

சராசரியாக காற்றின் வேகம் மணிக்கு 25 கி.மீ வேகத்தில் பாம்பனில் வீசி வருகிறது. இதனால் பாம்பன் வடக்கு கடற்கரைப் பகுதியில் 7 அடி உயரத்துக்கு கடல் அலைகளின் சீற்றம் காணப்பட்டது.

பாம்பன் வட கடல் பகுதியில் நிறுத்தி வைக்கப்பட்டிருந்த படகுகளை மீனவர்கள் சேதங்களை தவிர்க்க முன்னெச்சரிக்கை நடவடிக்கையாக தென் கடல் பகுதிக்கு கொண்டு சென்றனர். பாம்பன் வட பகுதியில் கடலை ஒட்டிய குடிசைகளுக்குள் கடல் தண்ணீர் புகுந்துவிடும் அபாயம் இருப்பதால் அப்பகுதி மீனவர்கள் அச்சத்தில் உள்ளனர்.

Leave a Reply