இந்துக்கள் தீவிரவாதிகளாக இருக்கமுடியாது. அனில் விஜ்
இந்துக்களில் தீவிரவாதிகள் கிடையாது என்றும் இந்துக்கள் தீவிரவாதிகளாக இருக்க வாய்ப்பே இல்லை என்றும் ஹரியான மாநில மூத்த அமைச்சர் அனில் விஜ் தெரிவித்துள்ளார். இவருடைய கருத்து பெரும் சர்ச்சையை ஏற்படுத்தியுள்ளது.
ஹரியானா மாநிலம் சண்டிகரில் அமைச்சர் அனில் விஜ் பத்திரிக்கையாளர்களை சந்தித போது ‘கடந்த 2007 ம் ஆண்டு நடந்த சம்ஜவுதா எக்ஸ்பிரஸ் ரயில் குண்டு வெடிப்பு சம்பவத்தில் பாகிஸ்தானியர்கள் ஈடுபட்டிருப்பதாக வெளியான தகவல் குறித்து கேள்வி எழுப்பபட்டது. அதற்கு பதிலளித்த அணில் விஜ், ”இந்த குண்டு வெடிப்பில் 68 பேர் பலியாகினர். இந்த சம்பவத்தை இந்து தீவிரவாதிகள் நடத்தினர் என்ற ரீதியில் அப்போதைய காங்கிரஸ் அரசு விசாரணை மேற்கொண்டது. தற்போது பாகிஸ்தானியர்கள் தான் செய்தார்கள் என அம்பலமாகியுள்ளது.
இந்த சம்பவத்தின் மூலம் ”இந்து தீவிரவாதிகள்” இருக்கிறார்கள் என்ற அரசியல் சதியை காங்கிரஸ் அரசு முன்னெடுத்தது. இந்துக்கள் எப்பொழுதும் தீவிரவாதிகளாக இருக்கமுடியாது. ‘இந்து தீவிரவாதிகள்’ என்ற சொல்லுக்கு அர்த்தமே கிடையாது. ” என கூறினார்.
மூத்த அமைச்சர் அனில் விஜ்-ன் இந்த பேச்சு சர்ச்சையை எழுப்பியுள்ளது. பல்வேறு தரப்பினரிடம் இருந்து கண்டனங்கள் குவிந்து வருகின்றன
