shadow

என்னை திருமணம் செய்ய விரும்புபவர் போன் செய்யலாம்: ஆர்யா அறிவிப்பு

தமிழ் திரையுலகில் ஆர்யா, விஷால் இருவரின் திருமணம் எப்போது என்று பலர் கேள்விகள் எழுப்பியுள்ளனர். நடிகர் சங்க கட்டிடம் முடிந்தபின்னர் தான் திருமணம் என்று விஷால் ஒருபுறம் உறுதியாக இருக்கும் நிலையில் நடிகர் ஆர்யாவின் திருமணம் வெகுவிரைவில் நடைபெற வாய்ப்பு உள்ளது.

சமீபத்தில் வெளியான ஒரு ஜிம் வீடியோவில் ஆர்யாவின் திருமணம் குறித்த தகவல் கசிந்தது என்பது அனைவரும் அறிந்ததே. இதுகுறித்து ஆர்யா தனது சமூக வலைத்தளத்தில் வெளியிட்டுள்ள வீடியோவில் கூறியுள்ளதாவது:

ஜிம் வீடியோ ஒன்று சமீபத்தில் வெளியானது. அந்த வீடியோ என்னுடைய நண்பர்கள் விளையாட்டுத்தனமாக வெளியிட்டது. ஆனால் அந்த வீடியோவில் உள்ள எல்லா விஷயங்களும் உண்மைதான். நான் கல்யாணத்திற்காக பெண் தேடிக்கொண்டிருக்கின்றேன்

பொதுவாக அனைவரும் தங்களுடைய வாழ்க்கை துணைவரை வேலை பார்க்கும் இடம், நண்பர்கள், உறவினர்கள் அல்லது பெற்றோர்கள் மூலம் அல்லது இணையதளங்கள் மூலம் தேடுவார்கள். ஆனால் நான் அப்படி இல்லை. எனக்கு பெரிய எதிர்பார்ப்புகளும் நிபந்தனைகளும் கிடையாது. உங்களுக்கு என்னை பிடித்திருந்தால், நான் ஒரு நல்ல வாழ்க்கை துணைவனாக இருப்பேன் என் நீங்கள் நினைத்தால் உடனே எனக்கு போன் மூலம் அழைப்பு விடுக்கவும் என்று கூறி ஒரு மொபைல் எண்ணையும் அறிவித்துள்ளார். இது விளையாட்டுக்காகவோ, ஏமாற்றுவதற்காக செய்யும் அறிவிப்பு அல்ல’ என்று ஆர்யா அந்த வீடியோவில் தெரிவித்துள்ளார். ஆர்யாவின் இந்த வீடியோ தற்போது வைரலாகி வருகிறது.

Leave a Reply