நெல்லிக்காய் துவையல் செய்வது எப்படி?

நெல்லிக்காய் துவையல் செய்வது எப்படி?

அதிகளவு சத்துக்கள் நிறைந்த நெல்லிக்காயை ஏதாவது ஒருவகையில் தினமும் உணவில் சேர்த்துக்கொள்வது நல்லது. இன்று நெல்லிக்காயில் துவையல் செய்வது எப்படி என்று பார்க்கலாம்.

தேவையான பொருட்கள் :

பெரிய நெல்லிக்காய் – 10,

தேங்காய் துருவல் – 2 டேபிள்ஸ்பூன்,
காய்ந்த மிளகாய் – 4,
உப்பு – தேவையான அளவு.

தாளிக்க:

கடுகு, உளுத்தம்பருப்பு – தலா கால் டீஸ்பூன்,
கறிவேப்பிலை – ஒரு ஆர்க்கு,
பெருங்காயத்தூள் – கால் டீஸ்பூன்,
எண்ணெய் – சிறிதளவு.

செய்முறை:

பெரிய நெல்லிக்காயை கொட்டை நீக்கி, சிறுசிறு துண்டுகளாக நறுக்கி கொள்ளவும்

மிக்சியில் நறுக்கிய நெல்லிக்காய், தேங்காய் துருவல், காய்ந்த மிளகாய், உப்பு சேர்த்து நன்றாக அரைக்கவும்.

கடாயை அடுப்பில் வைத்து எண்ணெய் ஊற்றி சூடானதும் தாளிக்க கொடுத்துள்ள பொருட்களை எண்ணெயில் போட்டு தாளித்து துவையலில் சேர்த்து கலக்கவும்.

இப்போது சுவையான சத்தான நெல்லிக்காய் துவையல் ரெடி.

Leave a Reply

Your email address will not be published.