எஸ்.எஸ்.ராஜமெளலியின் அடுத்த படத்தில் சமுத்திரக்கனி!

பிரமாண்ட இயக்குனர் எஸ்.எஸ்.ராஜமெளலி இயக்கிய ‘பாகுபலி’ மற்றும் ‘பாகுபலி 2’ ஆகிய திரைப்படங்கள் உலக அளவில் ஹிட்டானதை அடுத்து அவர் தற்போது ஜூனியர் என்.டி,ஆர் மற்றும் ராம்சரண் தேஜா ஆகியோர் இணைந்து நடித்து வரும் ‘ஆர்.ஆர்.ஆர். என்ற படத்தை இயக்கி வருகிறார். இந்த படத்தின் படப்பிடிப்பு விறுவிறுப்பாக நடைபெற்று வருகிறது.

இந்த நிலையில் இந்த படத்தில் சமுத்திரக்கனி ஒரு முக்கிய கேரக்டரில் நடிக்கவுள்ளதாக வெளிவந்த தகவலை ஏற்கனவே பார்த்தோம். தற்போது இந்த தகவலை சமுத்திரக்கனி உறுதி செய்துள்ளார்.

சமுத்திரக்கனியின் கேரக்டர் ‘பாகுபலி’ கட்டப்பா கேரக்டருக்கு இணையானது என்றும், இந்த படம் சமுத்திரக்கனி நடிக்கும் முதல் தெலுங்கு படம் என்பதும் குறிப்பிடத்தக்கது