நியூசிலாந்து அணிக்கு அதிர்ச்சி வைத்தியம் கொடுத்த ஜிம்பாவே

நியூசிலாந்து கிரிக்கெட் அணி ஜிம்பாவே நாட்டிற்கு சென்று விளையாடி வருகிறது. இரு அணிகளுக்கும் இடையேயான முதலாவது ஒருநாள் கிரிக்கெட்போட்டி நேற்று ஹராரே நகரில் நடைபெற்றது. பரபரப்பாக நடைபெற்ற இந்த போட்டியில் ஜிம்பாவே அணி 7 விக்கெட்டுக்கள் வித்தியாசத்தில் வெற்றி பெற்று நியூசிலாந்து அணிக்கு அதிர்ச்சி கொடுத்தது.

டாஸ் வென்ற ஜிம்பாவே அணி முதலில் பீல்டிங்கை தேர்வு செய்ததால் நியூசிலாந்து அணி பேட்டிங் செய்தது. முதலில் களமிறங்கிய அந்த அணி தனது அதிரடி ஆட்டத்தின் மூலம் 50 ஓவர்களில் 4 விக்கெட்டுக்கள் இழப்பிற்கு 303 ரன்கள் குவித்தது. அந்த அணியின் டெய்லர் 112 ரன்களும், வில்லியம்சர் 97 ரன்களும் குவித்தனர்.

பின்னர் 304 ரன்கள் எடுத்தால் வெற்றி என்ற கடினமான இலக்கை நோக்கி விரட்டிய ஜிம்பாவே அணி, 49 ஓவர்களில் 3 விக்கெட்டுக்களை மட்டுமே இழந்து 304 ரன்கள் குவித்தது. அந்த அணியின் எர்வின் 130 ரன்களும், மாஸக்ட்ஜா 84 ரன்களும் எடுத்தனர்.  எர்வின் ஆட்டநாயகான தேர்வு செய்யபட்டார். மூன்று ஆட்டங்கள் கொண்ட இந்த தொடரில் ஜிம்பாவே 1-0 என்ற புள்ளிக்கணக்கில் முன்னணி பெற்றுள்ளது.