Chennai Today News

99 ஆண்டுகளுக்கு பின் அரிய சூரிய கிரகணம். நாசா எச்சரிக்கை

99 ஆண்டுகளுக்கு பின் அரிய சூரிய கிரகணம். நாசா எச்சரிக்கை

சூரியனுக்கும் பூமிக்கும் இடையே சந்திரன் செல்லும் போது ஏற்படும் சூரிய கிரகணம் அவ்வப்போது அமாவாசை நாளன்று ஏற்படும் நிலையில் வரும் ஆகஸ்டு 21-ந்தேதி அடுத்த சூரிய கிரகணம் ஏற்பட உள்ளது.

இது ஒரு அரிய சூரிய கிரகணம் என்றும், இந்த சூரிய கிரகணம் 99 ஆண்டுகளுக்கு பிறகு தோன்றும் என்றும் சூரியனை சந்திரன் முழுவதும் மறைத்து 3 நிமிடங்கள் வரை கிரகணம் ஏற்படும் என்றும் நாசா அறிவித்துள்ளது.

மேலும் இந்த சூரிய கிரகணத்தை பொதுமக்கள் வெறுங்கண்ணால் பார்க்க கூடாது என்றும் அதற்காக பிரத்யேகமாக தயாரிக்கப்பட்டுள்ள சூரிய ஒளி தடுப்பு கண்ணாடிகளால் மட்டுமே காண வேண்டும் என்றும் அதிலும் 3 வயதுக்கு கீழ் உள்ள குழந்தைகள் கிரகண கண்ணாடி அணிந்தாலும் பார்க்க கூடாது என்றும் நாசா எச்சரித்துள்ளது. இந்த சூரிய கிரகணத்தை உலகம் முழுவதும் சுமார் 30 கோடி பேர் பார்க்கும் வாய்ப்பை பெறுவார்கள் என்றும் நாசா மேலும் தெரிவித்துள்ளது.

 

வரன் தேடுகிறீர்களா? தமிழ் மேட்ரிமோனியில் - பதிவு இலவசம்!