shadow

ரஜினி ரசிகர்கள் உற்சாகம்

சூப்பர் ஸ்டார் ரஜினிகாந்த் ‘இதுவும் கடந்து போகும்’ என்று குறிப்பிட்டு தமிழர்களுக்கு தமிழ்ப்புத்தாண்டு வாழ்த்து கூறிய நிலையில் தற்போது தனது டுவிட்டரில் புதியதாக ஒரு வீடியோவை வெளியிட்டுள்ளார். அந்த வீடியோவில் அவர் கூறியதாவது:

வெளிநாட்டில் வாழும் தமிழர்களுக்கு இந்த புதிய ஆண்டு இனிதான ஆண்டாக அமைய வேண்டும் என்று இறைவனை வேண்டிக்கொள்கிறேன். கொரோனா வைரஸால் முழு உலகமே பாதிப்படைந்துள்ளது. இதற்கு இந்தியாவும் தமிழ்நாடும் விதிவிலக்கல்ல. உங்களைப் பிரிந்து வாழும் உங்கள் உறவினர்கள், குடும்பத்தினர்கள் சதா நேரமும் உங்களை பற்றி தான் சிந்தனை. உங்களைப் பத்திதான் அக்கரையில் உள்ளனர்.

நீங்கள் எந்த நாட்டில் வாழ்கின்றீர்களோ, அந்த நாட்டின் அரசு, எந்த கட்டுப்பாடுகளை விதித்து இருக்கின்றார்களோ, அதை நீங்கள் தவறாமல் கடைபிடித்து உங்களை நீங்கள் பாதுகாத்துக் கொள்ளுங்கள். நீங்கள் உங்கள் உறவினர்களுக்கும் உங்கள் குடும்பத்தாருக்கும் கொடுக்கும் இந்த ஆண்டின் மிகப்பெரிய பரிசு இதுதான். கவலைப்படாதீர்கள்.. இதுவும் கடந்து போகும் என்று ரஜினிகாந்த் கூறியுள்ளார் ரஜினிகாந்தின் இந்த வீடியோ தற்போது இணையத்தில் வைரலாகி வருகிறது என்பது குறிப்பிடத்தக்கது

Leave a Reply

Your email address will not be published. Required fields are marked *