84வது டாக்டர் பட்டத்தை பெற்ற தமிழக விஞ்ஞானி எம்.எஸ்.சுவாமிநாதன்

வேளாண் விஞ்ஞானியான எம்.எஸ். சுவாமிநாதனுக்கு 84 வது கவுரவ டாக்டர் பட்டம்நேற்று வழங்கப்பட்டது. இந்தியாவின் சிறந்த வேளாண் விஞ்ஞானியும், பசுமைப் புரட்சியின் தந்தை என்று அழைக்கப்படும் எம்.எஸ்.சுவாமிநாதன், விவசாயத்தில் பல புரட்சிகளை செய்துள்ளார். கும்பகோணத்தில் 1925-ல் பிறந்தவர். பள்ளிப்படிப்பை முடித்ததும், திருவனந்தபுரம் மஹாராஜா கல்லூரியில் விலங்கியலில் இளங்கலை பட்டம் பெற்றார்.

இவரது தந்தை மருத்துவர். இவரும் மருத்துவராகி, தந்தையின் மருத்துவமனையை கவனித்துக் கொள்ள வேண்டும் என்பது பெற்றோரின் ஆசை. 1948-ல் ஐபிஎஸ் அதிகாரியாக தேர்வானார். ஆனால் பணியில் சேரவில்லை.

பல ஆய்வு நிறுவனங்களில் பணியாற்றினார். கேம்பிரிட்ஜ் பல்கலைக்கழகத்தில் முனைவர் பட்டம் பெற்றார். சிறந்த ஆராய்ச்சியாளரான இவர், நூற்றுக்கணக்கான ஆராய்ச்சிக் கட்டுரைகள், புத்தகங்களை எழுதியுள்ளார். அமெரிக்காவின் விஸ்கான்சின் பல்கலைக்கழகத்தில் வேலை கிடைத்தும், 1954-ல் நாடு திரும்பினார். ஒடிசா மாநிலம் கட்டாக்கில் வேளாண் துறையில் அரசுப் பணி கிடைத்தது.

1960களில் உணவுப் பஞ்சம் ஏற்பட்டபோது அமெரிக்காவில் இருந்து கோதுமை இறக்குமதி செய்யப்பட்டது. ‘இந்தியர்களால் உணவு உற்பத்தி செய்ய முடியாது. பசியால் கொத்துக் கொத்தாக உயிரிழப்பார்கள்’ என்று பல நாடுகள் கூறின. இதை பொறுத்துக் கொள்ள முடியாத இவர், ஜப்பானில் கண்டுபிடிக்கப்பட்ட புதிய ரக கோதுமையை இந்தியாவில் அறிமுகம் செய்து, அதிக உற்பத்தியையும், 200 சதவீத லாபத்தையும் ஈட்டி சாதித்துக் காட்டினார். இதை ‘கோதுமைப் புரட்சி’ என்று பாராட்டினார் அப்போதைய பிரதமர் இந்திரா காந்தி,

சீன நெல் வகைகளை அறிமுகம் செய்து நெல் விளைச்சலிலும் இந்தியாவை தன்னிறைவு பெற வைத்தார். நாட்டின் முதுகெலும்பான வேளாண் துறையில் அபரிமித வளர்ச்சியை ஏற்படுத்தி உலக அரங்கில் இந்தியாவை தலைநிமிரச் செய்தார்.

இந்நிலையில் அவரது வாழ்நாள் சாதனையை போற்றும் வகையில்84 வது கவுரவ டாக்டர் பட்டம் நேற்று வழங்கப்பட்டது.குவாலியரில் உள்ள ஐடிஎம் பல்கலைக்கழகம் இவருக்கு இந்த கவுரவ டக்டர் பட்டத்தை வழங்கியுள்ளது. இந்த நிகழ்வானது, நேற்று தரமணியில் உள்ள சுவாமிநாதன் ஆராய்ச்சி மையத்தில் நடைபெற்றது.

ஐடிஎம் பல்கலைக்கழகத்தின் துணை வேந்தர்டாக்டர்கமல் காந்த் திவேத்கவுரவ டாக்டர் பட்டத்தை எம்.எஸ். சுவாமிநாதனுக்கு வழங்கினார். அப்போது பேசிய எம்.எஸ். சுவாமிநாதன், ”சிதோஷண நிலைக்கு ஏற்றவாறு விவசாயம் செய்தால்தான்இந்தியாவில் நிலவும் வறுமையை ஒழிக்க முடியும் .மேலும் இறக்குமதி செய்யும் விதைகளை பயன்படுத்துவதால் வேளாண் துறையில் எந்த முன்னேற்றமும் அடைய முடியாது” என்றார்.

வரன் தேடுகிறீர்களா? தமிழ் மேட்ரிமோனியில் - பதிவு இலவசம்!

Leave a Reply

Your email address will not be published. Required fields are marked *