புதிதாகத் தொழில் தொட‌ங்கலாம் என்ற எண்ணம் இருக்கிறதா? அப்படி என்றால் ஏதாவது ஒரு கட்டத்தில் உங்கள் வர்த்தகத்திற்கான லோகோவை உருவாக்கியாக வேண்டும். லோகோ உருவாக்கத்தில் உங்களுக்கு உதவி தேவை என்றால் ‘லோலோகார்டன்’ தளம் அதற்காகவென்றே இருக்கிறது.

இந்தத் தளத்தில் பயனாளிகள் தங்களுக்கான இலவச லோகோவை எளிதாக உருவாக்கிக் கொள்ளலாம். லோகோ உருவாக்கத்திற்கான சாதன‌ங்களும் கொடுக்கப்பட்டுள்ளன. அதற்கு முன்னதாக இந்தத் தளத்தில் உள்ள மாதிரி லோகோக்களைப் பார்த்து உங்களுக்கான லோகோ எப்படி இருக்கலாம் என்பது தொடர்பான ஊக்கத்தையும் பெறலாம்.

தனித்தனி தலைப்புகளில் பலவிதமான துறைகளைச்சேர்ந்த லோகோக்கள் பட்டியலிடப்பட்டுள்ளன. தொழில்முனைவோருக்கு உதவுவதற்காகவே இந்தத் தளம் அமைக்கப்பட்டுள்ளதாகக் குறிப்பிடப்பட்டுள்ளது.

இணையதள முகவரி: //www.logogarden.com