5 விக்கெட்டுக்கள் வித்தியாசத்தில் சென்னை தோல்வி: கொல்கத்தா அபாரம்

ஐபிஎல் கிரிக்கெட் போட்டி தொடரில் சென்னை மற்றும் கொல்கத்தா அணிகள் இன்று கொல்கத்தா ஈடன் கார்டன் மைதானத்தில் மோதிய நிலையில் சென்னை அணியை கொல்கத்தா 5 விக்கெட்டுக்கள் வித்தியாசத்தில் தோற்கடித்தது.

இன்றைய போட்டியில் டாஸ் தோல்வி அடைந்ததால் முதலில் பேட்டிங் செய்த சென்னை அணி 20 ஓவர்களில் 5 விக்கெட்டுக்களை இழந்து 177 ரன்கள் அடித்தது. தோனி 43 ரன்களும், வாட்சன் 36 ரன்களும், ரெய்னா 31 ரன்களும் அடித்தனர்.

178 ரன்கள் அடித்தால் வெற்றி என்ற இலக்கை நோக்கி விளையாடிய கொல்கத்தா அணி லின், நரேன், உத்தப்பா ஆகயோர்களின் விக்கெட்டுக்களை 4 ஓவர்களில் இழந்தாலும் கேப்டன் தினேஷ் கார்த்திக் மற்றும் கில் ஆகியோர் பொறுப்பாக விளையாடி வெற்றிக்கு வித்திட்டனர். கொல்கத்தா அணி 17.4 ஓவர்களில் 180 ரன்கள் எடுத்து 5விக்கெட்டுக்கள் வித்தியாசத்தில் வெற்றி பெற்று புள்ளிப்பட்டியலில் 10 புள்ளிகளை பெற்று 3வது இடத்திற்கு முன்னேறியுள்ளது.