saritha nairகேரளாவில் சோலார் பேனல் மோசடி வழக்கில் கைதாகி, பின்னர் ஜாமீனில் வெளிவந்த சரிதா நாயர் அவர்களின் ஆபாச வீடியோ வாட்ஸ் அப்பில் வெளியானதாக பெரும் பரபரப்பு ஏற்பட்டுள்ளது. இதுகுறித்த விசாரணைக்கு கேரள.நீதிமன்றம் உத்தரவிட்டுள்ளது.

கடந்த சில மாதங்களுக்கு முன்னர் சோலார் பேனல் மோசடி வழக்கிய சிக்கிய சரிதா நாயர் கைது செய்யப்பட்டார். பின்னர் ஜாமினில் வெளிவந்துள்ள நிலையில், அவருடைய  ஆபாச படங்கள் வாட்ஸ்–அப்பில் நேற்று முதல் பரவி பரபரப்பை ஏற்படுத்தி வருகிறது. மூன்று நிமிடங்கள் ஓடும் இந்த ஆபாச படத்தில் சரிதா நாயர் உடை மாற்றும் காட்சிகள் இடம்பெற்றுள்ளன.

இதுகுறித்து சரிதா நாயர், பத்தனம் திட்டா முதன்மை ஜூடிசியல் மாஜிஸ்திரேட்டு கோர்ட்டில் புகார் மனு ஒன்றை அளித்தார். அந்த மனுவில், ”எனது ஆபாச காட்சிகளை வாட்ஸ்-அப் மற்றும் இணையதளத்தில் வெளியிட்ட மர்ம நபர்களை கண்டுபிடித்து கடும் நடவடிக்கை எடுக்க வேண்டும் என்றும் தகவல், ஒளிபரப்பு வரைமுறை சட்டப்படி அவர்கள் மீது நடவடிக்கை எடுக்க வேண்டும் என்றும் கூறியிருந்தார்.

இந்த மனு மீது நேற்று விசாரணை நடத்திய நீதிபதி, பத்தனம் திட்டா போலீஸ் இன்ஸ்பெக்டர், இதுகுறித்து விசாரணை நடத்தி குற்றவாளிகளை கண்டுபிடிக்க வேண்டும் என உத்தரவிட்டார்.

இதுகுறித்து காவல்துறையினர் கூறுகையில், ”சரிதா நாயரின் ஆபாச காட்சிகள் அனைத்தும் அவராலேயே எடுக்கப்பட்டது போல தெரிகிறது. இந்த காட்சிகள் வெளியான சில நிமிடங்களில் பல லட்சம் பேரின் வாட்ஸ்-அப்பிலும் பரவியிருக்கிறது. இதை பரப்பியவர்கள் யார் என்பதை கண்டுபிடிப்பது மிகவும் கடினமானது. அதனை சைபர் கிரைம் போலீசார் உதவியுடன் கண்டுபிடிக்க நடவடிக்கை எடுக்கப்பட்டு வருகிறது” என்றனர்.

வாட்ஸ்-அப்பில் வெளியான காட்சிகளில் இருப்பது தாம்தான் என ஒப்புக் கொண்ட சரிதா நாயகர் கூறும்போது, ”எனது ஆபாச படங்களை வெளியிட்டதன் பின்னணியில் பல முக்கிய அரசியல் பிரமுகர்களின் சதி இருக்கிறது. அவர்கள் என்னை பலமுறை செல்போனில் மிரட்டினர். நேற்று கூட என்னை மிரட்டி, சில அரசியல் பிரமுகர்களின் படங்களை வெளியிட வற்புறுத்தினர். நான் மறுத்தால் என்னை பற்றிய மேலும் பல படங்களை வெளியிடுவோம் என்றும் அவர்கள் மிரட்டினர். இந்த பிரச்னையில் நான் சட்டரீதியான நடவடிக்கையை மேற்கொள்வேன்” என்றார்.

வரன் தேடுகிறீர்களா? தமிழ் மேட்ரிமோனியில் - பதிவு இலவசம்!
shadow

Leave a Reply

Your email address will not be published. Required fields are marked *