ஆப்பிள் நிறுவனத்தின் ஐபேட் ஏர் 2-ன் மெல்லிய மாதிரி மற்றும் ஐபேட் மினி 3 இந்தியாவில் விற்பனைக்கு வரவிருக்கிறது. இதற்கான முன்பதிவு தொடங்கியிருப்பதாகவும் இரண்டு மாதிரிகளுமே நாடு முழுவதும் உள்ள ஆப்பிள் சார்ந்த விற்பனையகங்களில் கிடைக்கும் என்று ஆப்பிளின் சேனல் பார்ட்னர் நிறுவன அதிகாரி ஒருவர் கூறியுள்ளார்.

ஐபேட் ஏர் 2 முந்தைய மாதிரியைவிடச் சற்றே மெலிதாக 6.1 மி.மி அகலம் கொண்டுள்ளது. எடை 437 கிராம். ரூ.35,900 முதல் ரூ. 59,900 வரை விலை நிர்ணயிக்கப்பட்டுள்ளது. இதில் ஆறு மாதிரிகள் இருக்கின்றன. இவை வை-ஃபை வசதி மற்றும் நேனோ சிம் போடக்கூடிய செல்லுலார் வசதி என இரண்டு விதங்களில் கிடைக்கின்றன. ஐபேட் மினி 3 சாதனமும் 3 மாதிரிகளில் கிடைக்கிறது. விலை ரூ. 28,900 முதல் ரூ.52,900 வரை.