shadow

புதுச்சேரியில் அமித்ஷா. சிறப்பான வரவேற்பு கொடுத்த பாஜக

காங்கிரஸ் கோட்டை என்று கூறப்படும் புதுச்சேரிக்கு வந்த பாஜக தேசிய தலைவர் அமித்ஷாவுக்கு பாஜகவினர் சிறப்பான வரவேற்பு கொடுத்து காங்கிரஸ் கட்சியினர்களை ஆச்சரியப்படுத்தியுள்ளனர்.

அமித்ஷா வருகையை முன்னிட்டு பல்வேறு நிகழ்ச்சிகளுக்கு புதுச்சேரி பாஜக ஏற்பாடு செய்திருந்தது. அவற்றில் ஒன்றான ‘புதுவையின் வளர்ச்சி’ என்ற தலைப்பில் நிகழ்த்தப்பட்ட மோட்டார் சைக்கிள் பேரணியில் கலந்து கொண்டார்.

ஹெலிகாப்டர் மூலம், புதுச்சேரி லாஸ்பேட்டை விமான நிலையத்துக்கு வந்த அமித்ஷாவுக்கு பாஜகவினரால், உற்சாக வரவேற்பு அளிக்கப்பட்டது. பின் அங்கிருந்து முக்கிய வீதிகள் வழியாக சட்டசபை அருகே உள்ள சுப்பிரமணிய பாரதி சிலை வரை நடைபெற்ற மோட்டார் சைக்கிள் பேரணியில் அமித்ஷா காரில் சென்றார். பாரதியார் சிலைக்கு அவர் மாலை அணிவித்த போது, மத்திய இணை அமைச்சர் பொன்.ராதாகிருஷ்ணன், ஹெச். ராஜா மற்றும் புதுச்சேரி பாஜக நிர்வாகிகள் உடன் இருந்தனர். இன்று கட்சி நிர்வாகிகள் மற்றும் தொழிலதிபர்களுடன் பேச்சுவார்த்தை நடத்துவார் என்று கூறப்படுகிறது.

புதுச்சேரி முதல்வர் நாராயணசாமிக்கும், கவர்னர் கிரண் பேடிக்கும் இடையே பிரச்சனை இருக்கும் நிலையில் இவரது வருகையும் முக்கியத்துவம் பெறுகிறது.

Leave a Reply