shadow

முந்திரி சிக்கன் கிரேவி செய்முறை விளக்கம்

chickenதேவையான பொருட்கள் :

சிக்கன் – அரை கிலோ
இஞ்சி பூண்டு விழுது – 2 ஸ்பூன்
காய்ந்த மிளகாய் – 5
சீரகத்தூள் – ஒரு ஸ்பூன்
மிளகுத்தூள் – ஒரு ஸ்பூன்
முந்திரிபருப்பு – 1 கைப்பிடி
வெங்காயம் – 1
தக்காளி – 1
எண்ணெய் – தேவையான அளவு
கொத்தமல்லி தழை – சிறிதளவு
உப்பு – சிறிதளவு

செய்முறை :

* சிக்கனை நன்றாக கழுவி கொள்ளவும்.

* தக்காளி, வெங்காயம், கொத்தமல்லியை பொடியாக நறுக்கி கொள்ளவும்.

* காய்ந்த மிளகாயை நன்றாக அரைத்து கொள்ளவும்.

* முந்திரியில் சிறிது எடுத்து பொடியாக நறுக்கி கொள்ளவும். மீதியை நன்றாக அரைத்து கொள்ளவும்.

* 1 ஸ்பூன் இஞ்சி, பூண்டு விழுதை சிக்கனில் தடவி ஒரு மணி நேரம் ஊற வைக்க வேண்டும்.

* கடாயை அடுப்பில் வைத்து எண்ணெய் ஊற்றி சூடானதும் வெங்காயத்தை போட்டு வதக்கிய பின் மீதமுள்ள இஞ்சி, பூண்டு விழுதை போட்டு பச்சை வாசனை போக வதக்கிய பின் தக்காளியையும் போட்டு பொன்னிறமாக வதக்க வேண்டும்.

* தக்காளி நன்றாக வதக்கிய பின் அதில் அரைத்த காய்ந்த மிளகாய் விழுது, சீரகத்தூள், மிளகுத்தூள் போட்டு வதக்கிவிட்டு பின்பு அதில் சிக்கனையும் போட்டு வதக்க வேண்டும்.

* பின்பு அதில் தேவையான அளவு உப்பு போடவும்.

* அதன் பிறகு சிறிது தண்ணீர் ஊற்றி சிக்கனை நன்றாக வேக விடவும்.

* அடுத்து அதில் அரைத்த முந்திரி விழுது மற்றும் நறுக்கிய முந்திரியை போட்டு அடுப்பை மிதமான தீயில் வைத்து மூடி வைத்து வேக வைக்கவும்.

* சிக்கன் வெந்து கிரேவி கெட்டியாகும் வரை கிளறவும்.

* கடைசியாக கொத்தமல்லி தழை தூவி இறக்கவும்.

* சூடான முந்திரி சிக்கன் ரெடி.

Leave a Reply