‘பேட்ட’ படப்பிடிப்பின் இடையே அமித்ஷாவை சந்தித்தாரா ரஜினி?

சூப்பர் ஸ்டார் ரஜினிகாந்த் பேட்ட படப்பிடிப்பு பணிகளுக்காகவே டெல்லி வழியாக லக்னோ சென்றதாகவும், டெல்லியில் எந்தவித அரசியல் நிகழ்வும் நடைபெறவில்லை என்று ரஜினிகாந்த் தரப்பில் விளக்கம் அளிக்கப்பட்டுள்ளது.

தமிழகத்தில் ஆளும் கட்சியின் முக்கிய பிரதிநிதிகளின் வீடு, அலுவலகம் உள்ளிட்ட இடங்களில் வருமான வரித்துறையினா் சோதனை நடத்தி வருகின்றன. தொடா் சோதனை, விசாரணை உள்ளிட்ட காரணங்களால் தமிழக அரசியல் சூழல் பெரிய மாற்றத்தை எதிர்நோக்கி உள்ளதாக விமா்சகா்கள் கருத்து தெரிவித்து வருகின்றனா்.

இந்நிலையில் நடிகா் ரஜினிகாந்த் நேற்று முன்தினம் டெல்லியில் பா.ஜ.க. தலைவா் அமித்ஷாவை ரகசியமாக சந்தித்ததாக செய்திகள் பரவின. தமிழக அரசியலில் பரபரப்பான சூழல் நிலவும் நிலையில் இந்த சந்திப்பு நடைபெற்றுள்ளதாக தகவல்கள் வெளிவந்தன.

ஆனால் இந்த தகவல்கள் அனைத்தும் பொய் என்று ரஜினிகாந்த் தரப்பில் தெரிவிக்கப்பட்டுள்ளது. இது தொடா்பாக ரஜினிகாந்த் தரப்பில் வெளியிடப்பட்டுள்ள ட்விட்டா் பதிவில், ரஜினிகாந்த் படப்பிடிப்பு பணிகளுக்காக மட்டுமே டெல்லி வழியாக லக்னோ சென்றார். டெல்லியில் எந்தவிதமான அரசியல் நிகழ்வும் நடைபெறவில்லை என்று குறிப்பிடப்பட்டுள்ளது.

Leave a Reply

Your email address will not be published. Required fields are marked *