துருவ் விக்ரம் சென்ற கார் விபத்தில் சிக்கியதால் பெரும் அதிர்ச்சி ஏற்பட்டுள்ளது.

தமிழ் சினிமாவில் ’சீயான்’ என்று அழைக்கப்படும் நடிகர் விக்ரம் மகன் துருவ் மற்றும் அக்‌ஷிதா என்ற மகளும் இருக்கின்றனர். விக்ரமின் மகளுக்கும், திமுக தலைவர் கருணாநிதியின் கொள்ளு பேரனுக்கும் இடையே சமீபத்தில் திருமணம் நடைபெற்றது.

விக்ரமின் மகன் துருவிற்கு நடிப்பின் மீது மிகுந்த ஆர்வம் உள்ளது. இந்நிலையில் தெலுங்கில் சூப்பர் ஹிட்டான ‘அர்ஜூன் ரெட்டி’ திரைப்படத்தின் தமிழ் ரீமேக்கில் துருவ் நடித்து வருகின்றனர். இப்படத்திற்கு ’வர்மா’ என்று பெயரிடப்பட்டுள்ளது.

இந்நிலையில் துருவ் விக்ரம் தனது இரு நண்பர்களுடன் காரில் சென்றுள்ளார். சென்னை தேனாம்பேட்டை அருகே சென்ற போது, அவர்களின் கார் விபத்தை ஏற்படுத்தியுள்ளது. போலீஸ் கமிஷனர் வீடு அருகே நடந்த விபத்தில் 3 ஆட்டோக்கள் சேதமடைந்துள்ளன. ஆட்டோ ஓட்டுநர் ஒருவருக்கு காலில் முறிவு ஏற்பட்டுள்ளது. இந்த சம்பவம் தொடர்பாக போக்குவரத்து புலனாய்வு பிரிவு போலீசார் வழக்குப்பதிவு செய்து, துருவ் விக்ரம் மற்றும் நண்பர்களிடம் விசாரணை நடத்தி வருகின்றனர்.

வரன் தேடுகிறீர்களா? தமிழ் மேட்ரிமோனியில் - பதிவு இலவசம்!
shadow

Leave a Reply

Your email address will not be published. Required fields are marked *