shadow

ஒழுங்கற்ற மாதவிடாய் சாதாரண விஷயமா?

பெண்களுக்கு 21 முதல் 35 நாட்களுக்குள் மாதவிடாய் சுழற்சி ஏற்பட்டுவிட வேண்டும். அதற்கு முன்னோ, பின்னோ இருப்பது பிரச்சனைக்குரிய விஷயம்.

பெண்களின் உடலில், 14 நாள் ஈஸ்ட்ரோஜென் (Estrogen) சுரப்பி சுரக்கும். அடுத்த 14 நாள் (15-28) புரொஜெஸ்ட்ரான் (Progesterone) சுரக்கும். 28 நாள் முடிவில், மாதவிடாய் ஏற்படும். ஆனால், எல்லோரின் உடலும் இந்த நாள் கணக்கோடு ஒத்துப்போவதில்லை. 21 முதல் 35 நாட்களுக்குள் மாதவிடாய் சுழற்சி ஏற்பட்டுவிட வேண்டும். அதற்கு முன்னோ, பின்னோ இருப்பது பிரச்சனைக்குரிய விஷயம்.

அதேபோல், ஐந்து நாள்களுக்கும் மேல் ரத்தப்போக்கு இருப்பது, தொடர்ந்து வெகு நாள்களுக்கு வராமல் இருப்பது, மாதவிடாய் காலத்தில் அதிகளவு ரத்தப்போக்கு இருப்பது மிகவும் குறைந்தளவு ரத்தப்போக்கு இருப்பது போன்றவையும் பிரச்சனைக்குரியவையே. இந்த பிரச்சனைகளைத்தான் `ஒழுங்கற்ற மாதவிடாய் என்று குறிப்பிடுகிறார்கள்.

13 வயது முதல் 19 வயது வரை ஒழுங்கற்ற மாதவிடாய் இருப்பது சாதாரண விஷயம்தான். உதாரணமாக, இவர்களுக்கு 30 அல்லது 35 நாள்களுக்கு ஒருமுறை சுழற்சி ஏற்படும். 21 வயதுக்கு மேல், சீரான இடைவெளியில் 28 நாள்களுக்கு ஒருமுறை மாதவிடாய் சுழற்சி ஏற்படும். வயது ஏற ஏற, சுழற்சிக்கான நாள் எண்ணிக்கை குறைய துவங்கும் ஹார்மோன் சமநிலையில்லாமல் இருக்கும்போது, பி.சி.ஓ.எஸ் ஏற்படும். இது, கருமுட்டைகளில் பாதிப்பை ஏற்படுத்தும்.

இதை கவனிக்காவிட்டால், பெண்களுக்கு கருத்தரிப்பதில்கூட பாதிப்பை ஏற்படுத்தும். மாதவிடாய் சுழற்சியில் பாதிப்பு ஏற்படுத்துவது இதன் மிக முக்கியமான அறிகுறி.பெரும்பாலும் பருவம் எய்திய பெண்களுக்கு, முதல் சில மாதங்களுக்கு இந்த பிரச்சனை இருக்கும். தொடர்ந்து மாதவிடாய் சுழற்சி ஒழுங்கற்று இருந்தால், இந்த பிரச்சனை உருவாகும்.

உடல் பருமனாக இருப்பவர்களுக்கு இதற்கான வாய்ப்பு அதிகம். இவர்கள், உடல் எடை குறைப்பதன் மூலம் இதை சரிசெய்துவிடலாம். தைராய்டு சுரப்பிகள் சரியாக செயல்படாமல் இருக்கும்போது, மாதவிடாய் கால சுழற்சியில் பிரச்சனை ஏற்படும். இந்த பிரச்சனை உள்ளவர்களுக்கு, மாதவிடாய் பிரச்சனை மட்டுமன்றி உடல் எடை சட்டென அதிகரிப்பது அல்லது குறைவது போன்றவையும் ஏற்படும்.

இதில், ஹைப்போஸ்தைராய்டிம் முக்கியமான ஒரு பிரச்சனை. வளர்சிதை மாற்றத்தின் வளர்ச்சியை இது பாதிக்கும். இதனால், உடலின் செயல்பாடுகள் குறைந்து, உடல் சோர்வடையும். மாதவிடாய் சுழற்சி மட்டுமின்றி, உடல்பருமன், கரு உருவாவதில் சிக்கல், ஹைப்பர்-கொலெஸ்ட்ரோலீமியா ஏற்படும். இதய பாதிப்புகள் போன்ற பிரச்சனைகளையும் இது ஏற்படுத்தும்.

புரொஜெஸ்ட்ரான், ஈஸ்ட்ரோஜன் போன்ற மாதவிடாய்க்கு உதவும் ஹார்மோன்களில் பாதிப்பு ஏற்படும்போது, மாதவிடாய் சுழற்சியில் பாதிப்பை ஏற்படுத்தி, உடல் அதை வெளிக்காட்டும். பெண்களுக்கு `மெனோபாஸ்’ எனப்படும் மாதவிடாய் சுழற்சி முடியப்போகும் சில மாதங்களுக்கு முன்னர் ஒழுங்கற்ற மாதவிடாய் ஏற்படும்.

35 வயதுக்கு மேற்பட்ட பெண்களுக்கு மட்டுமே இதன்காரணமாக ஒழுங்கற்ற மாதவிடாய் ஏற்படும். அதிகமாக ஜங்க் புட் சாப்பிடுவது உடல் கோளாறுகளை ஏற்படுத்தி உடல்பருமனுக்கு காரணமாகும். இது, மாதவிடாயில் பிரச்சனையை ஏற்படுத்தும். அதிக மனஅழுத்தத்துக்கு உள்ளானவர்களுக்கு, அதன் காரணமாக, கருமுட்டை உற்பத்தி பாதிப்படையும்.

அலுவல் ரீதியான அழுத்தம் அல்லது குடும்ப பிரச்சனை காரணமாக அதிகளவு அழுத்தம் ஏற்படும்போது இந்த பிரச்சனை தலைகாட்டும். நடைபயிற்சி செய்வது, சத்தான உணவுகளை சாப்பிடுவது, தேவையான அளவு தண்ணீர் குடிப்பது போன்ற வாழ்வியல் முறைகளில் மாற்றங்கள் ஏற்படுத்திக்கொள்வதன் மூலம் இதை சரிசெய்யலாம்.

புரதம், ஆன்டிஆக்ஸிடென்ட் சத்துகள் இருக்கும் உணவுகளை குறைந்த அளவில் சாப்பிடும்போது, அட்ரினல் மற்றும் தைராய்டு சுரப்பிகளில் பிரச்சனை ஏற்படும். இவர்கள், சரியான உணவு பழக்கத்துக்கு மாறினாலே போதுமானது. திடீரென உடல் எடை குறைவது, உடல் எடை அதிகரிப்பது, உடல் செயல்பாடுகளில் பாதிப்பை ஏற்படுத்தும். இது, மாதவிடாய் பிரச்சனையை ஏற்படுத்தும்.

Leave a Reply