இந்தியாவுக்கான பாகிஸ்தானின் புதிய தூதர் நியமனம்

இந்தியாவுக்கான தனது தூதராக மொய்ன் உல் ஹக் என்பவரை பாகிஸ்தான் நியமித்துள்ளது.

பாகிஸ்தான் பிரதமர் இம்ரான்கான், சொகைல் முகமதுவை வெளியுறவுச் செயலாளராக நியமித்துள்ளார். இந்தியா, சீனா, ஜப்பான் உள்ளிட்ட பல்வேறு நாடுகளுக்கு 20க்கும் மேற்பட்ட புதிய அதிகாரிகளை நியமித்தும் இம்ரான்கான் உத்தரவிட்டுள்ளார்.

இந்தியாவுக்கான தூதராக நியமிக்கப்பட்டுள்ள மொய்ன் உல் ஹக், தற்போது பிரான்ஸ் நாட்டுக்கான பாகிஸ்தான் தூதராக பணியாற்றி வருகிறார். புல்வாமா தாக்குதலில் பாகிஸ்தானின் பெயருக்கு களங்கம் ஏற்பட்டு விட்டதாலும், இந்தியாவில் பொறுப்பேற்க இருக்கும் புதிய அரசுடன் இணக்கமாக செயல்பட வேண்டிய காரணத்தினாலும் மொய்ன் உல் ஹக் நியமிக்கப்பட்டுள்ளதாக அரசியல் நோக்கர்கள் தெரிவித்துள்ளனர்.