அமைச்சருக்கு வாட்ஸ் அப்-பில் மிரட்டல் விடுத்த இளைஞருக்கு முன்ஜாமின்

விஜய் நடித்த சர்கார் திரைப்படத்திற்கு எதிராக அதிமுகவினர் போராட்டம் நடத்திய போது, சட்டத்துறை அமைச்சருக்கு வாட்ஸ் அப்-பில் மிரட்டல் விடுத்த இளைஞருக்கு முன் ஜாமின் வழங்கி, சென்னை உயர் நீதிமன்றம் உத்தரவிட்டுள்ளது.

சென்னை அருகே உள்ள பட்டாபிராம் என்ற பகுதியை சேர்ந்த, லிங்கதுரை உள்ளிட்ட 3 பேர் வாட்ஸ் அப்பில் மிரட்டல் வீடியோ ஒன்றை வெளியிட்டனர். அநத வீடியோவில் தான் அமைச்சருக்கு மிரட்டல் விடுத்ததாக கூறப்படுகிறது.

இதனையடுத்து அவர்கள் 3 பேர் மீதும் போலீசார் வழக்கு பதிவு செய்தனர். இந்த வழக்கில் தனக்கு முன்ஜாமின் வழங்க கோரி லிங்கதுரை சென்னை உயர் நீதிமன்றத்தில் மனுத் தாக்கல் செய்தார். இந்த மனுவை விசாரித்த நீதிபதி இளந்திரையன், லிங்கதுரைக்கு முன் ஜாமின் வழங்கி உத்தரவிட்டார்.

 

Related Posts

Leave a Reply

Your email address will not be published. Required fields are marked *